كيفية تفعيل برنامج انترنت داونلود ماناجر بسهوله

يجد الكثير مننا صعوبه في تفعيل افضل برنامج للتحميل من الانترنت لذلك هذا الفيديو يشرح بطريقه سهله

تحميل البرنامج : http://linkcut.net/d5Xz8O

الفيديو

ازاي تحرق نسخة ويندوز علي فلاشة USB

ازاي او كيفية حرق نسخة ويندوز على فلاش ميموري  ونقصد بكلمة حرق هي ان نجعل الويندوز قابل للتنصيب عن طريق الفلاشه
- نحضر اي فلاش ميموري يكون حجمه علي الاقل 4 جيجا لاي نسخة ويندوز من ويندوز 7 ومافوق اما لو ويندوز XP ففلاش 2 جيجا تكفي
- نحضر نسخة الويندوز ونحفظها علي الكمبيوتر
- تنزيل برنامج rufus وهو برنامج مجاني من هنا  دي النسخة الاخيرة اصدار 2.7 لو عايز تنزل نسخه احدث من الموقع الرسمي هنا
- ندخل الفلاش في الكمبيوتر ونفتح البرنامج

بعد ان اخترنا الفلاشة الصحيحه اعلي نترك باقي الاشياء كما هي بدون تغيير نختار ملف الايزو الخاص بنسخة الويندوز كما بالصورة اسفل

بعد ان قمنا بعمل الخطوات السابقه لم يتبقى سوى الضغط على Start وانتظر حتى ان ينتهي من حرق النسخه على الفلاشة وبذلك تصبح قابله للتثبيت

DONE :)

تجربه سيئه مع اصدار بدل فاقد لفيزا البريد المصري

من كام يوم روحت اطلع بدل فاقد للفيزا بتاعتي من البريد المصري ( البوسطه ) دخلت للموظف قولتله عايز اعمل بدل فاقد قالي انت مطلعها من فين من المكتب دا ؟ قولتله لأ من مكتب كذا في المجافظه الفلانيه يعني انا مطلعها من محافظه تانيه قالي ماينفعش لازم تروح المحافظه اللي عملت فيها الفيزا علشان تطلع واحده تاني !
المهم انا اتصلت بخدمة العملاء وقولتلهم علي الحكايه قالولي لأ ياافندم ممكن تطلب بدل فاقد من اي مكان ! وبعد عدة محاولات مع الموظف قالي لأ برضو روحت متصل تاني بخدمة العملا قالولي ادينا الموظف احنا نكلمه روحت للموظف قولتله ممكن تكلم خدمة العملاء معايا علي التليفون ؟ قالي لا انا ماليش دعوه وعيونه فيها نظرة خوف شويه :) روحت دخلت للشخص اللي بيقول انه المدير وقولتله ممكن تكلم خدمة العملاء هم معايا علي التليفون برضو نظرة الخوف ويقولي لا انا ماكلمش حد :) وحكالي قصه كدا مش مفهومه عن واحد عمل الفيزا من محافظة كذا واتحجز في مستشفي في محافظه تانيه واضطروا يسحبولوا من التوفير ومش عارف ايه ! المهم قالي اطلع لاستاذ فلان فوق طلعت اسأل فين فلان دا  ؟ قالولي لسه مجاش !
ودا كله وموظف خدمة العملاء معايا علي التليفون قولتله دول بيحدفوني من الموظف لموظف واستاذ فلان دا لسه مجاش قالي كمان لسه مجاش !

المهم اخد بياناتي وقالي 5 دقايق وهاتصل بيك تاني استنيت شويه واتصل بيا حد من البريد قالي اديلي اي حد من الموظفين قولتله ماحدش راضي ياخد الموبايل قالي قولهم معايا شكاوى رئيس مجلس الاداره !
حاولت مع اكتر من موظف انه ياخد الموبايل مافيش
المهم راح قالي انا هاشوف الموضوع دا وهاتصل بيك تاني المهم بعد اتصلات كتيره راح اتصل بيا حد من مكتب تاني وقالي انا فلان من مكتب بريد كذا وجالي وهو بصراحه يعني شخص ممتاز واتكلم معايا بهداوة وحل المشكله وعمل اتصالاته واتأكد انه ممكن اعمل بدل فاقد من اي مكان واستلم الفيزا برضو من نفس المكان وخلي الموظفين يعملوا زي ماقال وقدمنا طلب اصدار بدل فاقد ومستني اشوف الفيزا هاتوصلي علي هنا ولا علي مكانها الاصلي ؟؟؟


وبصراحه مواقف زي كده بتكره الواحد في الحكومه والمصالح الحكوميه والبلد كلها وبيبقي عايز يسافر ويسيب البلد بدل ماهو عايز يعدل البلد !

وبعد ماكنت بانصح الناس انها تستخد الفيزا في السحب من الباي بال بدأت اندم اني عملتها اصلا !

بس الحاجه الوحيده اللي كويسه هي خدمة العملاء ناس محترمين بجد .

سحب الاموال من الباي بال عن طريق فيزا البريد المصري

تحديث : لقد قام البريد المصري بالغاء استخدام البطاقه اونلاين :(
يلا هم اللي خسرانين !

بعد تفعيل الباي بال في مصر والسماح للمصريين بسحب اموالهم من الباي بال فكانت المشكله التي تواجه المصريين هي الفيزا فمن شروط الباي بال لكي تسحب اموالك ان تمتلك بطاقة فيزا وليس ماستر كارد ولكن الحل السهل هو فيزا البريد المصري

 

طريقة استخراج بطاقة فيزا البريد المصري :

كل ما عليك هو ان تذهب الي اقرب مكتب بريد ومكاتب البريد منتشرة في جميع احاء جمهورية مصر العربية

• ان يكون معك مبلغ من 15 الي 30 جنيه انا شخصيا استخرجتها بـــ15 جنيه فقط ( علي حسب المكتب)
• ان يكون معك صورة بطاقة تحقيق الشخصيه

شروط استخراج الفيزا :

• ان يكون عمرك علي الاقل 16 عام (وهذه ميزه جميله في البريد المصري)
• ان تحمل معك البطاقه الشخصيه وصورة منها
• لا يوجد حد ادني للايداع اول مره
• الحد الاقصي لشحن البطاقه 5000 جنيه من اقرب مكتب بريد

بعد استخراجها اتصل بخدمة العملاء لتفعيل البطاقه واشحنها بملغ صغير مثلا 20 جنيها لكي تتمكن من حب المال من الباي بال

ثم قم بربطها بالباي بال